عارفانہ کلام حمد نعت منقبت
وائے تقدیر تاج عظمت کونین رکھ دینا
مِرے سر پر مِرے سرکارؐ کے نعلین رکھ دینا
الٰہی دیکھ لوں میں بھی تو اب روئے محمدﷺ کو
مِری آنکھیں ذرا قوسین کے مابین رکھ دینا
کہا اللہ نے قوسین کب حد ہے محمدﷺ کی
جہاں یہ آپؐ رک جائیں وہیں قوسین رکھ دینا
یہ آنکھیں خودبخود عرشِ بریں کی سیر کر لیں گی
تو ان کو زیر پائے صاحب قوسین رکھ دینا
فرشتے گر ترے اعمال کے بارے میں کچھ پوچھیں
تو ان کے آگے نعت سرورِ کونینﷺ رکھ دینا
آغا سروش حیدرآبادی
No comments:
Post a Comment