عارفانہ کلام حمد نعت منقبت
جہاں بھی جاؤں اپنا ہو کے بے گانہ محمدؐ کا
مجھے سب زیر لب کہتے ہیں دیوانہ محمدؐ کا
ارے بے عقل بن جا ایسا فرزانہ محمدؐ کا
کہیں سب ہوش والے تجھ کو دیوانہ محمدؐ کا
محمدﷺ کی حقیقت بس علیؑ خدا جانے
زبانِ خلق پر جاری ہے افسانہ محمدؐ کا
کہے ہر مُوئے تن اقراء باسم ربک الاعلیٰ
جرائے جاں میں ہوئے جس گھڑی آنا محمدؐ کا
جسے معراج کہتے ہیں خرامِ ناز ہے ان کا
حدِ قوسین و او ادنیٰ ہے رک جانا محمدؐ کا
خدا نے خود محمدؐ سے محمدؐ کا کیا سودا
مقرر کر کے عرش و فرش بیعانہ محمدؐ کا
گواہی کیوں دیں سب انبیاء ختمِ نبوت کی
پیا دستِ خدا سے سب نے پیمانہ محمدؐ کا
ملک حیرت سے تکتے ہتھے یہ منظر فتحِ مکہ کا
خطائیں بخش کر دشمن کی شرمانا محمدؐ کا
قیامت کیا ہے ہم سب عاصیوں کی عید کا دن ہے
کہ اس دن جنتیں بانٹے کا کاشانہ محمدؐ کا
زلیخائے قیامت آ رہی ہے بن کے دیوانی
مناسب تو نہیں ہے دامن بچا جانا محمدؐ کا
بدل سکتی نہیں ہرگز اسے گردش زمانے کی
زمانے کو بدل دیتا ہے دیوانہ محمدؐ کا
مثالِ تعزیہ تھی کربلا کی خاک شیشے میں
مکانِ امِ سلمیٰ تھا عزاخانہ محمدؐ کا
علیؑ کی جانثاری ہے سروش اس بات کی شاہد
نجف کی خاک سے بنتا ہے پروانہ محمدؐ کا
آغا سروش حیدرآبادی
No comments:
Post a Comment