عارفانہ کلام حمد نعت منقبت
رُوئے بدر الدجیٰ دیکھتے رہ گئے
چہرۂ والضحٰے دیکھتے رہ گئے
حُسنِ خیر الوریٰ میں خُدا کی قسم
ہم جمالِ خُدا دیکھتے رہ گئے
چاند دو ٹکڑے ہو کر تصدق ہوا
دُشمنِ مُصطفیٰؐ دیکھتے رہ گئے
ہم گناہ گار پہنچے درِ پاک پر
زاہد و پارسا دیکھتے رہ گئے
جالیوں کے قریں بیٹھ کر وجد میں
نُورِ حق کی ضیا دیکھتے رہ گئے
جو سکندر ہوا ان کے دربار سے
وہ کرم وہ عطا دیکھتے رہ گئے
سکندر لکھنوی
No comments:
Post a Comment