عارفانہ کلام حمد نعت منقبت
میرے دامن میں ہے کچھ خاک ان کے آستانے کی
زمانہ اب کرے ہمت مِری قیمت لگانے کی
بجز حُبِ نبیؐ کچھ بھی نہ کام آئے گا محشر میں
ریاضت، بندگی، تقویٰ، سخاوت، التجا، نیکی
اسے پھر دولتِ کون و مکاں کی کیا ضرورت ہے
جسے کچھ خاک مل جائے تمہارے آستانے کی
انہیں کا ذکر آئے گا، انہیں کے نام آئے گا
کہیں سے ابتداء کیجے محبت کے فسانے کی
یہی حکمِ شریعت ہے، یہی فرضِ محبت ہے
ثناء کیجے محمدﷺ کی محمدؐ کے گھرانے کی
نظارہ کرنے والے سبز گنبد کا یہ کہتے ہیں
کہ اک مرکز پہ ہیں رنگینیاں سارے زمانے کی
بوقتِ پُرسشِ اعمال تم خاموش ہو رونق
یہی تو ہے گھڑی نعتِ نبیؐ کہہ کر سنانے کی
رونق بدایونی
No comments:
Post a Comment