کس کا دل ہے جو تِرے حسن پہ شیدا نہ ہوا
صورتِ آئینہ حیران؛ تماشہ نہ ہوا
مجھ کو ہر وقت رہی فضلِ خدا پر امید
میں کسی حال میں مایوسِ تمنا نہ ہوا
اثرِ آہِ شرر بار نہ ہو کیا معنی
کچھ نہیں کھیل ہوا عشق کا سودا نہ ہوا
دشتِ وحشت میں بھٹکتے ہی پھرے دیوانے
زلفِ پُر پیچ ہوا، جادۂ صحرا نہ ہوا
ہائے اس گردشِ تقدیر کے ہاتھوں اے لطف
ہم تو سب کے ہوئے پر کوئی ہمارا نہ ہوا
مفتی اکرام احمد لطف بدایونی
No comments:
Post a Comment