عارفانہ کلام حمد نعت منقبت
رب کعبہ سے ملانے آ گئے میرے حضور
راستہ حق کا دکھانے آ گئے میرے حضور
ظلم دنیا سے مٹانے آ گئے میرے حضور
بیکسوں کا حق دلانے آ گئے میرے حضور
شادیانے بجنے لگیں ہر طرف ہی دوستو
کفر و ظلمت کو مٹانے آ گئے میرے حضور
نفرتوں کا اس جہاں سے خاتمہ ہو جائے گا
گوہر الفت لٹانے آ گئے میرے حضور
مسکراہٹ پائیں کلیاں آئی گلشن میں بہار
ہو گئے منظر سہانے آ گئے میرے حضور
اب کبھی نہ ہوں گی طاہر بیٹیاں زندہ دفن
زندگی ان کو دلانے آ گئے میرے حضور
طاہر حسین
No comments:
Post a Comment