دشمن کے لیے دعا
خدائے برتر
ہماری چیخیں ہمارے سینوں میں جم
گئی ہیں
تمام ساتھی تمام گھائل
ہمارے قاتل بنے ہوئے ہیں
انہیں دکھائیں
کبھی تو ان کے تمام چھالے
ہمارے خوں کو جلا رہے ہیں
کبھی یہ سارے علیل انساں
گریز و طنز و جفا کے آرے چلا رہے ہیں
جواب کیا دیں
خدائے برتر
انہیں شفا دے
کہ ہم وہ اپنے تمام رنگوں کی کائناتیں
جو کتنی صدیوں سے بن کے لاوا
ہمارے سینوں میں جل رہی ہیں
صائمہ خیری
No comments:
Post a Comment