عارفانہ کلام حمد نعت منقبت
جو پیغامِ حق کو سنائے محمدﷺ
سو باطل کی ہستی مٹائے محمدﷺ
معطر ہے محفل جو آئے محمدﷺ
ہے روشن فضا مسکرائے محمدﷺ
تنفر کی ظلمت مٹی ہے دلوں سے
چراغِ محبت جلائے محمدﷺ
وہاں تک اجالے اماں کے ملیں گے
جہاں تک ہے پہنچی صدائے محمدﷺ
یہ جن و بشر کیا، عرب کیا عجم کیا
سبھی کا نصیبا جگائے محمدﷺ
نثار ایسی دولت کہاں پاسکو گے
کرو شکر تم ہو گدائے محمدﷺ
احمد نثار
No comments:
Post a Comment