تِرے آستاں سے پہلے اک عجیب موڑ آیا
کہ میں شدتِ طلب میں وہیں خود کو چھوڑ آیا
مجھے اک صدائے دلکش تِرے در پہ کھینچ لائی
جو جکڑ رہے تھے رشتے، وہ تمام توڑ آیا
تِرے سنگِ در کا دیکھے کوئی اہلِ دل کرشمہ
وہی سر بچا کے لایا، جو جبیں کو پھوڑ آیا
کسی گنبدِ شکستہ پہ لکھا تھا نام تیرا
مِرا شوق ساتھ اس کے مِرا نام جوڑ آیا
نہ کسی نے آنکھ کھولی نہ کسی نے کروٹیں لیں
میں تمام سونے والوں کی بہت جھنجھوڑ آیا
موسیٰ رضا
No comments:
Post a Comment