ہوں میں تیرا تو بے رخی کیسی
اے ستم گر یہ دِل لگی کسی
جلوۂ یار نہ نظر آئے
آنکھ میں پھر يہ روشنی کیسی
تھے جو اپنے وہی مخالف ہیں
دنیا دیکھو بدل گئی کیسی
دردِ دل جو سمجھ نہیں سکتے
ایسے لوگوں کو عاشقی کیسی
جلوہ مجھ کو نہیں دکھاتے ہو
پھر یہ اُلفت ہے آپ کی کیسی
تنگ حالی میں ساتھ چھوڑے جو
کام کی ہے وہ دوستی کیسی
بھوکا سوئے اگر پڑوسی کوئی
کام کی تیری بندگی کیسی
دینا ہو گا جواب محشر میں
تیری گزری ہے زندگی کیسی
ہم نے سیکھا ہے یار سے اسحاق
رکھنی ہے خود میں سادگی کیسی
محمد اسحاق رضوی
No comments:
Post a Comment