عارفانہ کلام حمد نعت منقبت
اے زائر کوئے نبی اتنا تو کر اے مہرباں
اہلِ مدینہ کو سنا حالِ نعیم خستہ جاں
مایوسیوں کی کثرتیں ناکامیوں پر حسرتیں
تنہائیوں کی وحشتیں اندوہ و غم کی داستاں
اعدا کے نرغے ہیں جدا اپنے ہوئے ہیں بیوفا
ہر سمت سے آئی بلا آفت کا ٹوٹا آسماں
اے رحمتِ عالمﷺ مدد اے سید اکرمؐ مدد
اے دافع ہر غم مدد، امداد اے شاہِ جہاںﷺ
ہم کو خلاصی ہو عطا ہو دور سب رنج و بلا
آفت کی گھٹ جائے گھٹا چمکیں نہ غم کی بجلیاں
یا ربّنا سلّم علیٰ روحِ النبیِ المصطفیٰﷺ
والآلِ والصَّحبِ اِلیٰ مادارَ دَورانُ الزماں
نعیم الدین مرادآبادی
No comments:
Post a Comment