سرد موسم ستائے جب
بے وجہ اُداسی چھا جائے جب
جب تھکن کے در وا ہو جائیں
ہم تیری آغوش میں دِھیرے سے سو جائیں
تمہارا رُوبرُو ہونا، تمہارا محوِ گُفتگو ہونا
یہی زندگی ہے
میری تابندگی ہے
جبھی تو کہتی ہوں
اس خزاں رسیدہ موسم میں
میرے آنگن میں کِھلے گُلابوں کو چُھو لو
چنبیلی کی ٹہنیاں، لِیموں کا پودا سُوکھا پڑا
اک بار چُوم لو پتے اور چُھو کر ہرا کر دو
یہ بھی بہار سے گلے مِل جائیں
اور میری طرح شاداب ہو جائیں
ہرے بھرے ہو جائیں
تمہارا لمس بہاروں سا
جسے چُھو لے صندل کر دے
شبنم مرزا
No comments:
Post a Comment