کب تک تُو اونچی آواز میں بولے گا
تیری خاطر کون دریچہ کھولے گا
اپنے آنسو اپنی آنکھ میں رہنے دے
ریت پہ کب تک ہیرے موتی رولے گا
آؤ شہر کی روشنیاں ہی دیکھ آئیں
لاکھ مرے ہونٹوں پر چپ کی مہریں ہوں
میرے اندر کا فنکار تو بولے گا
دیکھ وہ اپنی میٹھی میٹھی باتوں سے
اپنا سارا زہر تجھی میں گھولے گا
اے سوداگر! چاہت کی جاگیروں کے
کس میزان میں تو اس جنس کو تولے گا
محسنؔ! اس کی نرم طبیعت کہتی ہے
پل دو پل وہ میرے ساتھ بھی ہو لے گا
محسن نقوی
No comments:
Post a Comment