اے دل الجھ گیا ہے مذاقِ نظر کہاں
منزل کہاں یہ حسنِ سرِ رہگزر کہاں
اک بار اگر قفس کی ہوا راس آ گئی
اے خود فریب پھر ہوسِ بال و پر کہاں
گم ہو چکی ہے کاہکشاں گردِ راہ میں
مانا چمن میں حکم زباں بندیوں کے ہیں
رازِ جنوں کو فاش کریں ہم مگر کہاں
گلشن میں خامشی ہے مِرے اس سوال پر
ٹھہرے گا کاروانِ نسیمِ سحر کہاں
خارا شگافیوں کے زمانے گزر گئے
اب ڈھونڈتا ہے شوق کہ ہیں شیشہ گر کہاں
آزادؔ چل کوئی نئی دنیا تلاش کر
جلوے یہاں بقدرِ مذاقِ نظر کہاں
جگن ناتھ آزاد
No comments:
Post a Comment