کب تک فگار دل کو تو آنکھوں کو نم کریں
آؤ، حدیثِ قاتل و بِسمل رقم کریں
رِندو اٹھاؤ جام کہ بس ہو چکی بہت
تا چند پاسِ بیعتِ شیخِ حرم کریں
آنکھوں کے طاقچوں میں جلا کر چراغِ درد
تاچند جشنِ مرگِ رفیقاں منا کے ہم
اسبابِ دلنوازئ قاتل بہم کریں
دلقِ اویس و چادرِ زہراؑ کدھر گئی
دُزدانِ نِیم شب سے تقاضا تو ہم کریں
زخموں سے چُور زخم بنائیں نشانِ راہ
جو ہاتھ کٹ چکے ہیں انہی کو عَلم کریں
احمد فراز
No comments:
Post a Comment