تم نے خبر نہ لی مِرے حالِ خراب کی
کالی ہوئیں فراق میں راتیں شباب کی
تھی الوداعِ ہوشِ تجلئ مختصر
میرا تو کام کر گئی جُنبش نقاب کی
وہ میرے ساتھ ساتھ مجسم تِرا خیال
ممنون ہوں تِری نگہِ بے نیاز کا
رسوائیاں تو ہیں مِرے حالِ خراب کی
میں اپنی جلوہ گاہِ تصور سجاؤں گا
تصویر کھینچ دے کوئ ان کے شباب کی
دے دو غبارِ دل میں ذرا سی جگہ ہمیں
تربت بنائیں گے دلِ خانہ خراب کی
گھبرا کے جس سے چیخ اٹھا عالمِ وجود
وہ چیز دل نے میرے لیے انتخاب کی
چمکیں تو خوفناک، گِریں تو حیات سوز
ساون کی بجلیاں ہیں نگاہیں عتاب کی
سیمابؔ زندگی کی ہے تاریخ ہر غزل
ہر شعر میں ہے ایک کہانی شباب کی
سیماب اکبر آبادی
No comments:
Post a Comment