ہمسفر رہ میں ہوئے جو سرِ منزل نہ ملے
مل گئے ہیں بڑے آساں جو بمشکل نہ ملے
ہم بچھڑ جائیں تو ممکن ہے کچھ اخلاص بڑھے
مدتوں ساتھ رہے دوستو! اور دل نہ ملے
مندمل یہ تو ہوئے جاتے ہیں سب وقت کے ساتھ
جو نہ گردابِ بلاخیز کا ہم رقص ہوا
اس سفینے کو خدایا کبھی ساحل نہ ملے
بارہا ہم رہے ہنگامۂ عالم میں شریک
بارہا کشمکشِ ذات میں شامل نہ ملے
مستقل چلتا رہے قافلۂ شوق و طلب
مجھ کو تُو، رِند کو مۓ، قیس کو محمل نہ ملے
موردِ ننگ نہیں ہے ہمیں شوکتؔ یہ کمال
ڈھونڈ آئے ہیں کہیں مردمِ کامل نہ ملے
شوکت واسطی
No comments:
Post a Comment