دل کے صحرا میں کهوئے ہوئے دوستو سوچنا چهوڑ دو

دل کے صحرا میں کهوئے ہوئے دوستو، سوچنا چهوڑ دو

اپنے ساۓ کی راہ میں نہ دیوار ہو، سوچنا چهوڑ دو

خود ہی صدمہ بنے اپنے احساس کا، تم نے سوچا بهی کیا

اور سوچو تو خود بهی تماشا بنو، سوچنا چهوڑ دو

چاندنی رات میں کیا کسی نے کہا، کیا کسی نے سنا

عہدِ ماضی کے خونیں بهنور سے بچو، سوچنا چهوڑ دو

کون ہے بے وفا، کون ہے با وفا، کس کو دو گے سزا 

زندہ رہنا ہی ہے گر ، تو میری سنو، سوچنا چهوڑ دو

تم کہاں تک سمیٹو گے تنہائیاں، دل کی ویرانیاں 

یاد کی پتیوں کو بکهرنے ہی دو، سوچنا چهوڑ دو

تم بهی کس کس قیامت کو روکو گے اس زندگی کے لیے

غم کے صورت گرو، درد کے شاعرو، سوچنا چهوڑ دو

ٹوٹتے خواب اجڑے گلستاں نہیں، پهر سے آباد ہوں

اب نہ گزری بہاروں کو آواز دو، سوچنا چهوڑ دو

زندگی ہے عطاؔ اک فقط حادثہ، دل کی دنیا ہے کیا

اپنے احساس کے دکھ اٹهاتے رہو، سوچنا چهوڑ دو

عطا شاد