کیوں تِرے ساتھ رہیں عمر بسر ہونے تک
ہم نہ دیکھیں گے عمارت کو کھنڈر ہونے تک
تم تو دروازہ کھلا دیکھ کے در آئے ہو
تم نے دیکھا نہیں دیوار کو در ہونے تک
چپ رہیں، آہ بھریں، چیخ اٹھیں یا مر جائیں
ہم پہ کر دھیان، ارے چاند کو تکنے والے
چاند کے پاس تو مہلت ہے سحر ہونے تک
حال مت پوچھیئے، کچھ باتیں بتانے کی نہیں
بس دعا کیجۓ دعاؤں میں اثر ہونے تک
سگِ آوارہ کے مانند محبت کے فقیر
دربدر ہوتے رہے شہر بدر ہونے تک
آپ مالی ہیں نہ سورج ہیں نہ موسم، پھر بھی
بیج کو دیکھتے رہیۓ گا ثمر ہونے تک
دشتِ خاموش میں دم سادھے پڑا رہتا ہے
پاؤں کا پہلا نشاں راہ گزر ہونے تک
فانی ہونے سے نہ گھبرائیے فارؔس کہ ہمیں
ان گنت مرتبہ مرنا ہے امر ہونے تک
رحمان فارس
No comments:
Post a Comment