ہم شناختی کارڈ پر لکھے ہوئے لوگ
بخدمت جناب افسرِ اعلیٰ
چیئرمین پیمرا
گزارش ہے کہ
وہ بوٹ
ابھی تک آزاد گھوم رہا ہے
ہم کیڑے مکڑوں کو روند رہا ہے
حاکمِ وقت اسی بوٹ میں دال بانٹتا ہے
دال نہیں
ہم رعایا میں ذلت بانٹتا ہے
جنابِ عالی
آپ نے تو بس بوٹ کے تسمے رکھ لیے ہیں
ذلت اور بوٹ ہمارے لیے چھوڑ دیے ہیں
ہم شناختی کارڈ پر لکھے ہوئے لوگ ہیں
ہم کہیں بھی اپنا وجود نہیں رکھتے
سرکاری فائل کی خانہ پُری میں مگر ہم موجود ہیں
ہمارے پیروں تلے کی زمیں
ہماری نہیں
کسی غاصب کا پلاٹ لکھی جاتی ہے
ہمارے پتے پر لاپتہ لکھا ہوا ہے
ہم چیک پوسٹ پر تلاشی دیتےہیں
ہماری خالی جیبوں میں غدار ڈھونڈے جاتے ہیں
نورالہدیٰ شاہ
No comments:
Post a Comment