چاک پر رکھی خاموشی
دشتِ احساس سے
خیمۂ ذات تک
دور تک، رات تک
اک سرابِ سفر
اور، فراتِ ہنر؟
تیرے سوکھے کنارے پڑی خاک پر
سارے کوزہ گروں کی بھٹکتی نظر
اپنے ہاتھوں کے پیالوں میں تقدیر کو
دیکھتی ہے، مگر کتنی خاموش ہے
دشتِ احساس سے
خیمہ ذات تک
کوئی جھونکا ہواؤں کا آیا اگر
کوئی لہجہ کما لوں کا آیا اگر
اپنے کوزہ گروں کو کریں گے خبر
سور ہو تم ابھی، جب تلک رات ہے
نخلِ امکان میں بھی
کہیں نہ کہیں (اور کبھی نہ کبھی)
کوئی سوغات ہے
ہونے والی کوئی
کام کی بات ہے
شبہ طراز
No comments:
Post a Comment