زندگی درد بھی ہے سوز بھی ہے ساز بھی ہے

 زندگی درد بھی ہے سوز بھی ہے ساز بھی ہے

دلربا ہے یہ کبھی نازشِ انداز بھی ہے

شور ماتم ہے کہیں شورشِ وحشت ہے کہیں

خاموشی میں یہ سسکتی ہوئی آواز بھی ہے

بال و پر ہو کے بھی رہتی ہے کہیں پر مجبور

اور کہیں جستجوئے قوتِ پرواز بھی ہے

خوں رلا دیتی ہےانجامِ سفر پر اپنے

زندگانی کے سفر کا یہی آغاز بھی ہے

طوق پہنائے گلے میں یہ غلامی کے کبھی

جیت لو اس کو تو پھر صاحبِ اعجاز بھی ہے

کتنی رنگین قباؤں میں ملی ہے یہ صدف

نازنیں ہے یہ کہیں، اور کہیں ناز بھی

صبیحہ صدف