دشت در دشت سرابوں میں تری صورت ہے
باغ در باغ گلابوں🎕 میں تری صورت ہے
زیست کے باب سبھی پڑھ کے بھلا دیتے مگر
حرف در حرف کتابوں میں تری صورت ہے
ہے سوالوں میں الجھنا بھی بہت لطفِ کرم
نکتہ در نکتہ جوابوں میں تری صورت ہے
شہر آباد، مگر ہم سے جنوں والوں کو
کوچہ در کوچہ خرابوں میں تری صورت ہے
ہے رگِ جاں میں اترتا ہوا اک نشہ تو
جام در جام شرابوں میں تری صورت ہے
آرزو تیری چھلکتی ہے کئی آنکھوں میں
اوٹ در اوٹ حجابوں میں تری صورت ہے
کامیابی کے لیے بس تجھے ازبر کر لوں
لفظ در لفظ نصابوں میں تری صورت ہے
عنبرین خان
No comments:
Post a Comment