عزیز خاص بھی ہے اور رحمت رب بھی

عارفانہ کلام نعتیہ کلام

عزیزِ خاص بھی ہے اور رحمتِ رب بھی

ملا غلامئ احمدﷺ کا خوب منصب بھی

مہک رہا ہے گلستانِ مصطفیٰﷺ دل میں

درودِ پاکﷺ سے تر ہیں زباں بھی لب بھی

شمار کل بھی تھا سرکارﷺ کے فقیروں میں

گدائی انﷺ کے ہی در کی عزیز تر اب بھی

بلائیں قدموں میں آقاﷺ غلام کو اپنے

یہی ہے عرضِ تمنا بھی، دل کا مطلب بھی

بسر ہو زندگی سرکارﷺ کی اطاعت میں

یہی ہے دین بھی، مسلک بھی اور مذہب بھی

دعائے بشریٰ ہے مولا یہ ہدیۂ رحمتﷺ

قبول ہو، تیرے پیشِ نظر ہو جب جب بھی

بشریٰ فرخ