گلی گلی تِری شہرت نہیں کروں گا میں
اب ایسی ہجر میں حالت نہیں کروں گا میں
ہمیشہ کام بگاڑا ہے بے قراری نے
وہ اب ملے گا تو عجلت نہیں کروں گا میں
تُو پاس بیٹھ مِرے مجھ سے بات کر کوئی
قسم خدا کی، شرارت نہیں کروں گا میں
دُکھا دیا جو محبت نے آج میرا دل
تو کیا دوبارہ محبت نہیں کروں گا میں
ہوائے شام کی مرضی ہے جس طرح بھی چلے
اب اس سے کوئی شکایت نہیں کروں گا میں
اقبال خاور
No comments:
Post a Comment