بلوریں عکس تمہارا دکھا رہا ہے مجھے

بلوریں عکس تمہارا دکھا رہا ہے مجھے

کئی دنوں سے یہ دریا بُلا رہا ہے مجھے

مِری اُداسی کے پنچھی بتا رہے ہیں

کہیں اکیلے بیٹھ کے وہ گُنگنا رہا ہے مجھے

میں کوئی قرض ہوں کاندھوں پہ وقت کے شاید

کہ لمحہ لمحہ مسلسل چکا رہا ہے مجھے

قدم قدم وہ گلاب و ثمن سمیٹے گئی

یہ زرد پیڑ کا سایا بتا رہا ہے مجھے

یوں مٹھیوں میں بھرے دھوپ، کچھ بتا تو سہی

تو خود کو پیڑ، یا سایا بنا رہا ہے مجھے

میں جا کے کون سی چٹان پہ یہ سر پٹخوں

کہ خود سے شور سمندر کا آ رہا مجھے

رضوان فاخر