لباسِ امن میں شاہیں کو فاختہ نہ سمجھ
شریف زادوں کو اتنا بھی نا رسا نہ سمجھ
جو حرفِ حق تھا تِرے منہ پہ برملا ہے کہا
مِری بلا سے اسے حرفِ باغیانہ سمجھ
تِری شکست میں ممکن ہے تیرا حصہ ہو
تُو اپنے آپ کو اس درجہ بے خطا نہ سمجھ
دلوں کے ٹوٹنے جُڑنے کی سن صداؤں کو
روا روی میں ہر اک چیز کو روا نہ سمجھ
یہ نارسائی بھی بنتی ہے ایک وجہ کبھی
تُو پارساؤں کو اتنا بھی پارسا نہ سمجھ
گھروندہ زیست کا ٹھہرا ہے عارضی ثاقب
اسے بس ایک ہی آندھی تک آشیانہ سمجھ
منظور ثاقب
No comments:
Post a Comment