آج کل بے پناہ اداسی ہے

 آج کل بے پناہ اُداسی ہے

سوچتا ہوں یہ کیا اداسی ہے

پہلا درپیش مسئلہ الفت

اور پھر دوسرا اداسی ہے

ایک تصویر میں وہ ہنستی ہے

باقی ہر اک جگہ اداسی ہے

کون خوش ہے اب اس جہاں بھر میں

سب کا بس مسئلہ اداسی ہے

میرے دل میں بھی آ کے دیکھو،نا

ہنس کے اس نے کہا؛ اداسی ہے

میری قسمت کے سات رنگوں میں

رنگ سب سے جدا اداسی ہے

آؤ بستی میں لوٹ جاتے ہیں

شہر میں ہر جگہ اداسی ہے

میرے گھر میں ابھی تو فاقے ہیں

اب یہاں سے تُو جا، اداسی ہے

بیٹھ جائیں اِدھر کہیں پر ہی

گھر میں میرے زرا اداسی ہے

عجیب ساجد