اس طرف بھی نگاہ کرم کیجئے

 اس طرف بھی نگاہِ کرم کیجیۓ

میرے دل کو بھی مثلِ حرم کیجیۓ

جب مُرتب ہو فہرست عشاق کی

نام میرا بھی اس میں رقم کیجیۓ

آپ پہنا کے ہم کو بھی نسبت کا تاج

دو جہاں میں ہمیں محترم کیجیۓ

ہو سکے تو مسرّت کی تلوار سے

سر غموں کے بُتوں کا قلم کیجیۓ

میں مرضِ محبت ہوں اسمِ حبیب

باوضو مجھ پہ پڑھ پڑھ کے دم کیجیۓ

یاد ان کی دِلا کر شبِ ہجر میں

خشک آنکھیں ہماری نہ نم کیجیۓ

ہو چکے ہیں وہ محفل میں جلوہ نما

شوروغل اے اسد! تھوڑا کم کیجیۓ

اسد ہاشمی