مری زبان کو پاؤں کو بھی شکایت ہے

 مِری زبان کو پاؤں کو بھی شکایت ہے

کہ مجھ سے میری نگاہوں کو بھی شکایت ہے

میں چھوڑ کیوں نہیں دیتا انہیں سدا کے لیے

یہ مجھ سے میرے گناہوں کو بھی شکایت ہے

وبائیں کر رہی ہیں قتلِ عام دنیا میں

کوئی نہ کوئی وباؤں کو بھی شکایت ہے

وبا کا ساتھ ہوائیں بھی دے رہی ہوں جہاں

میں سوچتا ہوں ہواؤں کو بھی شکایت ہے

ہر ایک سمت ہے آلودگی سے آلودہ

ہر ایک شہر کو گاؤں کو بھی شکایت ہے

ملے گی اس کو نہ جنت کبھی کوئی جس سے

گِلہ ہے باپ کو ماؤں کو بھی شکایت ہے

خدا کے نام پہ دیتے نہیں ہیں سِکہ بھی

امیر سے یہ گداؤں کو بھی شکایت ہے

وہ سُوکھ جایا ہی کرتا ہے ایک دن عابد

کہ جس درخت سے چھاؤں کو بھی شکایت ہے

ایس ڈی عابد