عین ممکن تھا کسی رنگ میں ڈھالے جاتے
گر تِرے درد مِرے دل سے سنبھالے جاتے
میں جو آدابِ محبت سے شناسا ہوتا
تیری محفل میں دئیے میرے حوالے جاتے
تم اگر کرتے حمایت میں مِری لفظ ادا
میری ہر بات میں کیوں نقص نکالے جاتے
مجھ کو دولت سے اگر رب نے نوازا ہوتا
عیب میرے نہ زمانے میں اچھالے جاتے
میں نے اچھا ہی کیا دوست بنائے ہی نہیں
آستینوں میں کہاں مجھ سے یہ پالے جاتے
تُو بھی کہتا کہ؛ وفادار ہے عابد تیرا
تیرے ارشاد اگر مجھ سے نہ ٹالے جاتے
ایس ڈی عابد
No comments:
Post a Comment