کوئی نہیں ہے
کوئی ہے جو خدا کے آنسو پونچھے
کوئی نہیں ہے
ماں چُپ ہے
خدا کی آواز چلی گئی ہے
ماں بیٹے کی موت کی خبر سن کر بہری ہو گئی
یا دھماکے کی آواز سے؟
ششششش
لاؤڈ اسپیکر میں اعلان ہوتا ہے
"اژدھا بھوکا ہے"
دوسری طرف سے
اللہ اکبر کے نعرے گونجتے ہیں
مذہب روزہ نہیں رکھتا
سال بھر گوشت کھاتا اور خون پیتا ہے
ٹی وی پر آنے والے بارود کے اشتہارات سے
آنکھیں اندھی کیوں نہیں ہوتیں
اندھے پھر سے کنویں کی طرف رواں ہیں
کوئی ہے جو کنواں ڈھک لے
نسیم خان
No comments:
Post a Comment