عارفانہ کلام نعتیہ کلام
آپؐ کی چشم عنایت سے حسیں ہوتے ہیں
ورنہ یہ پھول کوئی پھول نہیں ہوتے ہیں
دیکھ کر چہرۂ انوارﷺ بحیرہ نے کہا
ایسے جلوے تو سرِ عرشِ بریں ہوتے ہیں
شہرِ بطحا کے گلستان تِرےﷺ کیا کہنے
مکہ والے بھی تو سرسبز یہیں ہوتے ہیں
آپﷺ کا در ہے جہاں بھر سے بلند و بالا
تخت والے بھی یہاں خاک نشیں ہوتے ہیں
پھول دیکھے ہی نہیں اور کہیں ایسے لطیف
جیسے سرکارؐ کی گلیوں کے مکیں ہوتے ہیں
لطیف ساجد
No comments:
Post a Comment