عارفانہ کلام نعتیہ کلام
سانس لیتا ہوں زندگی کے لیے
میں تو جِیتا ہوں بندگی کے لیے
آپﷺ آقا ہیں میں غلام حضورؐ
نعت پڑھتا ہوں سرخوشی کے لیے
دِل یہ کرتا ہے ہر گھڑی در پر
خود کو پاؤں میں حاضری کے لیے
تیراﷺ ہر امتی خدا کے حضور
سر جھکاتا ہے عاجزی کے لیے
اپنی امت کے واسطے بخشا
پورا قرآن رہبری کے لیے
تری رحمت ہے پورے عالم میں
روشنی ردِ تِیرگی کے لیے
تیرے روضے کی جالیاں حیدر
چومتا ہے قلندری کے لیے
فرقان حیدر
No comments:
Post a Comment