فلمی گیت
اگر بے وفا تُجھ کو پہچان جاتے
خدا کی قسم ہم محبت نہ کرتے
جو معلوم ہوتا یہ انجامِ اُلفت
تو دل کو لگانے کی جرأت نہ کرتے
جسے پھول سمجھا، وہی خار نکلا
تیری طرح جُھوٹا تیرا پیار نکلا
جو اُٹھ جاتے پہلے ہی آنکھوں سے پردے
تو بُھولے سے بھی ہم تو اُلفت نہ کرتے
میرا دل تھا شیشہ، ہُوا چُور ایسا
کہ اب لاکھ جوڑو تو جُڑ نہ سکے گا
تو پتھر کا بُت ہے، پتہ گر یہ ہوتا
تو دل ٹوٹنے کی شکایت نہ کرتے
اگر بے وفا تُجھ کو پہچان جاتے
خدا کی قسم ہم محبت نہ کرتے
جو معلوم ہوتا یہ انجامِ اُلفت
تو دل کو لگانے کی جرأت نہ کرتے
پریم دھون
No comments:
Post a Comment