تلخ کر لیں زندگی کیوں فکر‌ مستقبل سے ہم

 تلخ کر لیں زندگی کیوں فکر‌ مستقبل سے ہم

باز آئے اس جنون سعیٔ لا حاصل سے ہم

یہ حرم یہ دیر یہ ہوش و خِرد کی گمرہی

ہر قدم کچھ دور ہی ہوتے گئے منزل سے ہم

انتہائے شوق میں ڈوبے ہوئے کھوئے ہوئے

تیری محفل میں بھی کتنی دور ہیں محفل سے ہم

حسرت ساحل بھی تھی طوفاں سے جب تک دور تھے

ڈوب کر ابھرے تو اب بیزار ہیں ساحل سے ہم

یہ مسلسل بے حسی،۔ افتادگی،۔ فرسودگی

خوب ہیں طوفاں میں قیصر دورئ ساحل سے ہم

عبدالصمد قیصر