حاشیے پر
باہر گونجتی آوازوں میں
دہشتگردی کے نام پر ایک مکمل نسل
نفرت کے کٹہرے میں کھڑی ہے
ٹی وی چینلز پر صرف ایک عارف نہیں ہوتا
ایک پوری قوم ہوتی ہے
سہمی ہوئی ۲۴ گھنٹے
ایک ہی نشانے پر مرتی ہوئی
انکاؤنٹر میں کتنی گولیاں چلتی ہیں، نہیں معلوم
کتنی گولیاں کھا کر مرتا ہے ایک دہشتگرد
یہ بھی نہیں جانتی
لیکن سیاست اور چینلز سے نکلتی
ہزاروں لاکھوں گولیوں کے باوجود
ان گِنت سوراخ ہوئے جسم میں بھی
چلتی رہتی ہیں ہماری سانسیں
زندہ ہونے کے ڈھونگ کچھ ہمارے ہوتے ہیں
ایک مکمل نسل کو ختم کرنے کا معجزہ
ان کا ہوتا ہے
تبسم فاطمہ
No comments:
Post a Comment