اک کیف تعلق میں بندھا رشتۂ دل خوب

 عارفانہ کلام حمد نعت منقبت

اک کیفِ تعلّق میں بندھا رشتۂ دل خُوب

لب بند ہیں، گویا ہے مگر صیغۂ دل خوب

بس دھیان میں لانا تھا تجھے اے مہِ خوش تاب

روضے کی طرح ہو گیا یہ کرّۂ دل خوب

اک رنگِ صفا ریز تِرے اسمؐ سے چُن کر

کرنوں میں اُتاروں تو بنے جامۂ دل خوب

آقا! تِرے بندوں سے فلسطیں نہ چھُٹا، آہ

جاری ہے مگر شُکر کہ اک غزوۂ دل خوب

دائم گُہرِ نعت کے اس عکس کے صدقے

پُر جذب ہے اس رنگ سے یہ غنچۂ دل خوب

غلام مصطفیٰ دائم