ہمسر میرے حضور کا آیا کوئی نہیں

 عارفانہ کلام حمد نعت منقبت

ہمسر میرے حضورﷺ کا آیا کوئی نہیں

چشم جہاں نے آپ سا دیکھا کوئی نہیں

جس مرتبے پر آپﷺ کو فائز کیا گیا

اس مرتبے پر آج تک پہنچا کوئی نہیں

میرے حضورؐ آپ سے پہلے بھی بعد بھی

سینۂ عرش پاک پر اترا کوئی نہیں

محشر کے روز ہر طرف لہرا رہا ہے جو

ہاں وہ بجز حضورﷺ کے جھنڈا کوئی نہیں

حسن رسول پاکﷺ سے خیرات جو نہ لی

خورشید ہو کہ چاند ہو چمکا کوئی نہیں

ناصرؔ بڑے وثوق سے کہتا ہوں میں یہ بات

زندہ نہیں ہیں آپﷺ تو زندہ کوئی نہیں

ناصر چشتی