اشک حسرت ہنسی کی بات نہیں

 اشک حسرت ہنسی کی بات نہیں

دردِ دل دل لگی کی بات نہیں

زلفِ برہم نے کر لیا ہے اسیر

اس میں کچھ برہمی کی بات نہیں

حُسن کی بے نیازیاں توبہ

عشق کی بے بسی کی بات نہیں

تیرے دیوانے ہوش میں آئیں

کیا یہ دیوانگی کی بات نہیں

حُسن والے غرور کرتے ہیں

یہ فقط آپ ہی کی بات نہیں

دل کو تسکیں تو ہو سکوں نہ ملے

یہ کوئی بہتری کی بات نہیں

کون سرشار ان سے بات کرے

وہ سنتے کسی کی بات نہیں

جیمنی سرشار سونی پت