جب تِری بزم سے ہم پیاس بجھا کر جاتے
اپنی بگڑی ہوئی تقدیر بنا کر جاتے
تشنہ لب اٹھ گئے محفل سے تمہاری ورنہ
دل میں بھڑکے ہوئے شعلے کو بجھا کر جاتے
ہوش میں رہ کے جو کہنا تھا مشکل ہم سے
نشے کی جھونک میں وہ بات بتا کر جاتے
اک عنایت کی نظر ہم پہ اگر ہو جاتی
دل کے ٹکڑے تِرے قدموں پہ لٹا کر جاتے
تھوڑی امید بھی اک جام کی ہوتی ہم کو
اس بھروسے پہ کٹی عمر بتا کر جاتے
تُو نظر بھر کے اگر دیکھتا بسمل کی طرف
دل کے شیشے میں تِرا عکس دکھا کر جاتے
دیوداس بسمل
No comments:
Post a Comment