تم گئے تو اور کیا رہ جائے گا
موت کا اک آسرا رہ جائے گا
زندگی میں اشکِ غم اور سسکیاں
کیا یہی اک سلسلہ رہ جائے گا
بام پر آ جاؤ تو وہ چاند بھی
دیکھ لینا دیکھتا رہ جائے گا
گامزن ہو گا تو منزل پائے گا
سوچ لے پھر سوچتا رہ جائے گا
مٹ تو جائیں گے یہ پیشانی کے بل
پر دلوں میں فاصلہ رہ جائے گا
بِن تِرے یہ حال تابش آئینہ
دیکھ لے تو کانپتا رہ جائے گا
تابش دھرم کوٹی
ترسیم لال ٹھاکر
No comments:
Post a Comment