عارفانہ کلام حمد نعت منقبت
نُور و نکہت میں ڈھلی ظلمتِ شب آج کے دن
زیست کو مِل گیا جینے کا سبب آج کے دن
آسماں جُھوم اٹھے، خاک ہنسی، لہرائی
تیری آمد کا تھا انداز عجب آج کے دن
آدمیت کہ مقدّر میں رہی جس کے فُغاں
تیرے آنے سے ہوئی خندہ بہ لب آج کے دن
ہاں! تِرا حُسن ہُوا باعثِ تزئینِ چمن
بڑھ گیا ذوقِ نظر، حُسنِ طلب آج کے دن
ایک تکریم کی چادر سی تنی جاتی ہے
اللہ، اللہ! یہ تقدس، یہ ادب آج کے دن
گُلشنِ دل کہ خزاؤں نے اُجاڑا تھا کمال
کس کے آنے سے ہُوا باغِ طرب آج کے دن
باغ حسین کمال
No comments:
Post a Comment