ایک بے چینی سی در آئی مِری وحشت میں
اس کی پھر یاد اتر آئی مری وحشت میں
ڈھونڈنے خود کو میں نکلا تھا، ملا کچھ بھی نہیں
مجھ کو وحشت ہی نظر آئی مری وحشت میں
میں نبھانے کو نبھا لیتا تِرے سب وعدے
کیا کروں ضد جو اتر آئی مری وحشت میں
تمکنت مجھ کو پریشان کیے جاتی ہے
شخصیت ایسے نکھر آئی مری وحشت میں
تیری بانہوں میں سمٹ آیا ہوں بے بس ہو کر
چاندنی جیسے ہی در آئی مری وحشت میں
کتنی امیدیں لیے کتنے نئے خواب لیے
میری تعبیر بھی در آئی مری وحشت میں
دکھ بٹانے مِرے تم آ تو گئے ہو ثاقبؔ
اور ویرانی اتر آئی مری وحشت میں
اس کی پھر یاد اتر آئی مری وحشت میں
ڈھونڈنے خود کو میں نکلا تھا، ملا کچھ بھی نہیں
مجھ کو وحشت ہی نظر آئی مری وحشت میں
میں نبھانے کو نبھا لیتا تِرے سب وعدے
کیا کروں ضد جو اتر آئی مری وحشت میں
تمکنت مجھ کو پریشان کیے جاتی ہے
شخصیت ایسے نکھر آئی مری وحشت میں
تیری بانہوں میں سمٹ آیا ہوں بے بس ہو کر
چاندنی جیسے ہی در آئی مری وحشت میں
کتنی امیدیں لیے کتنے نئے خواب لیے
میری تعبیر بھی در آئی مری وحشت میں
دکھ بٹانے مِرے تم آ تو گئے ہو ثاقبؔ
اور ویرانی اتر آئی مری وحشت میں
سہیل ثاقب
No comments:
Post a Comment