امیرِ شہر کے دستِ ہنر کا ذکر نہیں
تمام شہر جلا اس کے گھر کا ذکر نہیں
پڑھا ہے ہم نے بہت ہاتھ کی لکیروں کو
کہیِں معاہدۂ خیر و شر کا ذکر نہیں
تمہارے حسن کی تاریخ نامکمل ہے
صلیب و دار کے سائے میں ہے تمام سفر
میں جس سفر میں ہوں اس میں شجر کا ذکر نہیں
تمہاری سنگدلی کی گواہ ہے تاریخ
کسی ورق پہ کَہیں درگزر کا ذکر نہیں
بہت عجیب ہیں دانشورانِ نَو ضاؔمن
نظر کا زعم، اور اہلِ نظر کا ذکر نہیں
ضامن جعفری
No comments:
Post a Comment