وہ ظلمتیں ہیں کہ شاید قبول شب بھی نہ ہوں

وہ ظلمتیں ہیں کہ شاید قبولِ شب بھی نہ ہوں

مگر حصارِ فلک میں شگاف اب بھی نہ ہوں

تمام شہر ہے شائستگی کا زہر پیئے

نجانے کیا ہو جو دوچار بے ادب بھی نہ ہوں

وہ ساعتیں ہیں، عنایاتِ چشم و لب تو گئیں

وہ چاہتے ہیں‌، حکایاتِ چشم و لب بھی نہ ہوں

ہر اک پہ وا نہ کرو شہِر دل کا دروازہ

کہ آنے والوں میں دُزدانِ نیم شب بھی نہ ہوں

مجھے تو ڈر ہے شیخِ حرم کے ہاتھوں سے

کہیں مری طرح رُسوا رسول و رب بھی نہ ہوں

احمد فراز