گزر گئے ہیں جو موسم کبھی نہ آئیں گے​

گزر گئے ہیں جو موسم کبھی نہ آئیں گے​

تمام دریا کسی روز ڈوب جائیں گے ​

دعائیں لوریاں ماؤں کے پاس چھوڑ آئے​

بس ایک نیند بچی ہے، خرید لائیں گے ​

سفر تو پہلے بھی کتنے کئے، مگر اس بار​

یہ لگ رہا ہے تجھ کو بھی بھول جائیں گے ​

الاؤ ٹھنڈے ہیں لوگوں نے جاگنا چھوڑا​

کہانی ساتھ ہے، لیکن کسے سنائیں گے ​

سنا ہے آگے کہیں سمتیں بانٹی جاتی ہیں ​

تم اپنی راہ چُنو، ساتھ چل نہ پائیں گے​

ہمارے نقش مٹانا بہت ہی مشکل ہے

ہزار دور ہوں، آشفتہؔ یاد آئیں گے

آشفتہ چنگیزی