شمیمِ صبح سے میرے بدن کی آنچ نہ پوچھ
“صباحتِ چمن اندر چمن کی آنچ نہ پوچھ”
تمام عمر رہے خشت کوبئ جاں میں
تمام عمر سفالِ دہن کی آنچ نہ پوچھ
شفق کے رنگ میں ڈوبے ہیں دشت و صحرا بھی
ابھی تلک مِرے کانوں پہ آگ رقصاں ہے
ابھی تلک ہے اسی انجمن کی آنچ نہ پوچھ
اندھیری رات عزیزوں کے غم سے روشن ہے
غریبِ شہر سے سوزِ وطن کی آنچ نہ پوچھ
کریدتا ہے تعلق کی گرم بھوبھل کو
بدن سے چمٹے ہوئے پیرہن کی آنچ نہ پوچھ
ہر ایک آنکھ بلاوا ہے اڑتے لمحوں کا
عروسِ حجلۂ غم، انجمن کی آنچ نہ پوچھ
کشور ناہید
No comments:
Post a Comment