چاند نے دیکھا ہے جب ہنستا ہوا چہرا ترا

چاند نے دیکھا ہے جب ہنستا ہوا چہرا تِرا

ہر حسیں چہرے سے پھر کرنے لگا چرچا تِرا

چودھویں شب چھوڑئیے میں نے تو پہلی شام سے

جب بھی دیکھا چاند کو، دیکھا ہے بس چہرا تِرا

چاند جیسا کوئی دنیا میں حسیں ہوتا نہیں تِرا

مجھ کو لیکن چاند پر بھی ہو گیا دھوکا تِرا

اس قدر تشبیہ دینا چاند سے اچھا نہیں

ہو نہ جائے نام دنیا میں کہیں رسوا تِرا

اے غزل سب ہیں تِرے تجھ کو سجایا سب نے ہے

میں تِرا، غالب تِرا، مومن تِرا، سودا تِرا

ضیا علوی