ہم اپنی شام کو جب نذرِ جام کرتے ہیں
فلک سے ہم کو ستارے سلام کرتے ہیں
سجائیں کیوں نہ اسے یہ سرائے ہے دل کی
یہاں حسِین مسافر قیام کرتے ہیں
گلے لگاتے ہیں دشمن کو بھی سرور میں ہم
حیات بیچ دیں تھوڑے سے پیار کے بدلے
یہ کاروبار بھی تیرے غلام کرتے ہیں
وہ جن کو دیکھ کے دل میں خدا کی یاد آئے
ہم ان بتوں کا بڑا احترام کرتے ہیں
ہمیں بس ایک نظر سے نواز اے ساقی
ہم اپنے ہوش و خرد تیرے نام کرتے ہیں
قتیلؔ کتنے سخن ساز ہیں وہ سناٹے
سکوتِ شب میں جو ہم سے کلام کرتے ہیں
قتیل شفائی
No comments:
Post a Comment